Fréttir

Rétt um ári eftir að þau misstu 16 ára son sinn eiga leikarinn John Travolta og eiginkona hans, Kelly Preston, von á öðru barni. Hann er 56 ára og hún er 48 ára.

Samkvæmt nýlegri viðhorfskönnun sem gerð var meðal foreldra barna í vistun dagforeldra eru 95% foreldra ánægðir eða mjög ánægðir með þjónustu þeirra. Rúmlega 50% aðspurðra tóku þátt í könnuninni eða 92 foreldrar. Hér í Hafnarfirði er stór hópur dagforeldra sem veita samfélaginu þessa mikilvægu þjónustu og hafa margir þeirra starfað árum saman.

Fóstureyðing með lyfjum hér á landi skilar árangri í yfir 90% tilvika. Þetta kemur fram í rannsókn sem gerð var á 246 fyrstu aðgerðunum af þessu tagi hér á landi. Aðferðin er talin örugg og er beitt í vaxandi mæli bæði hér og erlendis.

Borgarráð ákvað á fundi sínum í dag að fjölga leikskólaplássum í Reykjavík svo hægt sé að bjóða öllum börnum sem verða tveggja ára á árinu leikskólapláss í haust eins og stefna og starfsáætlun Reykjavíkurborgar kveður á um. Hanna Birna Kristjánsdóttir, borgarstjóri, lagði tillöguna fram. Þetta kemur fram í fréttatilkynningu frá Reykjavíkurborg.

Eurovision-biblían ESCToday.com stendur fyrir sérstakri forkeppni á hverju ári þar sem fulltrúar þjóða sem taka þátt gefa lögunum stig líkt og í lokakeppninni. Hera Björk og félagar standa vel að vígi og eru í 8. sæti með 83 stig. Enn sem komið er hefur ein þjóð gefið íslenska laginu 12 stig: vinir okkar í Póllandi.

Eva Rún Sigurðardóttir er í níunda bekk í grunnskóla. Í lok febrúar eignaðist hún lítinn dreng sem ber nafnið Róbert Leó. Fæðingin var ekki hluti af framtíðaráætlunum hennar enda var hún búin að fá getnaðarvarnarpillu hjá lækni til að koma í veg fyrir slíkt. Þegar hún komst að því að hún ætti von á barni þrátt fyrir varúðarráðstafanir vildi hún þó ekki fara í fóstureyðingu.

Í gær, sumardaginn fyrsta, var tíu börnum og fjölskyldum þeirra afhentur ferðastyrkur úr sjóðnum Vildarbörn Icelandair. Markmið sjóðsins er að gefa langveikum börnum, foreldrum þeirra og systkinum, tækifæri til þess að fara í draumaferð sem þau ættu annars ekki kost á.

Í lok fyrsta ársfjórðungs 2010 bjuggu 317.900 manns á Íslandi, 159.900 karlar og 158.800 konur. Landsmönnum hafði þá fjölgað um 400 frá árslokum 2009 þegar þeir voru 317.500. Erlendir ríkisborgarar voru 21.600 í lok ársfjórðungsins. Á höfuðborgarsvæðinu einu bjuggu 201.200 manns.

Frænka sjónvarpskonunnar Opruh Winfrey sakar hana um að hafa logið til um æsku sína og uppvaxtarár á bökkum Mississippi-fljótsins. Þetta kemur fram í nýrri bók slúðurdrottningarinnar Kitty Kelley um ævi Opruh og æsku. Frænkan segir að Oprah hafi ýkt allar sögurnar um fátæktina sem fjölskylda sjónvarpskonunnar hafi þurft að glíma við.

Komið hefur upp grunur um salmonella smit í ferskum kjúklingi framleiddum af Matfugli ehf. Frekari rannsókna er þörf til þess að staðfesta gruninn en þangað til þykir fyrirtækinu rétt að innkalla vöruna.