Sárkvalinni fimm ára stúlku var vísað frá bráðamóttöku barna eftir stutta skoðun. Nokkrum dögum síðar var hún send með hraði í aðgerð til að fjarlæga eggjastokk sem drep var komið í. Móðir barnsins segir atvikið endurspegla ónýtt heilbrigðiskerfi og ætlar að tilkynna það til Landlæknis.
Framkvæmdastjóri ADHD samtakanna segir ástandið mjög slæmt í málaflokknum hér á landi. Nú séu rúmlega þúsund manns á biðlista eftir greiningu og biðtíminn á bilinu tvö til þrjú ár.
Miklar skemmdir hafa verið unnar síðustu vikur á leikskólanum Funaborg í Grafarvogi. Í október var kveikt í ruslagámi sem hafði miklar afleiðingar á starf skólans. Um síðustu helgi var nýlegt skógarhús spreyjað að utan og eru skemmdirnar að öllum líkindum varanlegar. Leikskólastýra segist ráðalaus.
Fjárhagsáætlun Reykjavíkurborgar gerir ráð fyrir færri stöðugildum í leikskólum á næsta ári en fyrri ár. Ástæða þess er að starfsmönnum var bætt við á leikskólum borgarinnar vegna sóttvarnarreglna sem gerðu ráð fyrir hólfun á vinnustöðum. Þess vegna fjölgaði starfsfólki leikskóla á árunum 2020-2022 en dregst nú lítið eitt saman milli ára.
Nafnið Aron var vinsælasta eiginnafnið á meðal nýfæddra drengja á Íslandi í fyrra, annað árið í röð Embla var vinsælasta stúlkunafnið.
Umboðsmaður barna segir að til sín hafi leitað foreldrar sem hafa neyðst til þess að neita börnum sínum um tannréttingar, vegna fjárhags fjölskyldunnar. Raunkostnaður við tannréttingar sé 900 til 1.500 þúsund krónur en niðurgreiðsla sjúkratrygginga aðeins 150 þúsund.
Alls eru 187 pláss ónýtt á leikskólum borgarinnar vegna þess að ekki hefur tekist að fullmanna skólana. Þetta kemur fram í minnisblaði skóla- og frístundasviðs borgarinnar, sem lagt var fyrir borgarráð í dag.
Formaður Ljósmæðrafélags Íslands segir nauðsynlegt að auka fjölbreytileika í verknámi til að tryggja nýliðun í stéttinni. Aukið álag fylgi háum meðalaldri ljósmæðra hér á landi. Um helmingur ljósmæðra hér á landi er 55 ára eða eldri.
Ljósmóðir sem sér um mæðravernd segist hafa orðið vör við aukningu í fæðingarþunglyndi hjá feðrum og mökum. Hægt er að skima alla foreldra, ekki bara mæður.
Níu beiðnir voru teknar fyrir á fundi mannanafnanefndar fyrr í mánuðinum og voru þær allar samþykktar af nefndinni.
