Að minnsta kosti tvö hundruð leikskólakennara vantar til starfa í Reykjavík í haust að sögn leikskólastjóra. Leikskólastjórnendur undrast að nýr borgarstjórnarmeirihluti ætli að fjölga leikskólaplássum á sama tíma og illa gengur að manna lausar stöður.
Frjósemi kvenna á Íslandi árið 2017 var minni en nokkru sinni fyrr. Þetta kemur fram á vef Hagstofu Íslands en þar segir að frjósemi í fyrra hafi verið 1,71. Þá hélt meðalaldur frumbyrja áfram að hækka og var 27,8 ár. Ef horft er til Evrópu var algengast að barn fæðist utan hjónabands á Íslandi.
Hagkaup hefur innkallað Hvolpasveitarbúning þar sem hluti búningsins er úr mjög eldfimu efni og fylgihlutur uppfyllir ekki öryggisstaðla. Er búningurinn því ekki í samræmi við þær kröfur sem settar eru vörum sem þessum.
Kópavogsbær hyggst grípa til víðtækra aðgerða til að styrkja umgjörð dagforeldra í bænum. Tillögur um aðgerðir til að bregðast við skorti á daggæsluúrræðum yngstu barna voru samþykktar einróma á fundi bæjarstjórnar síðastliðinn þriðjudag.
Borgarráð Reykjavíkur hefur samþykkt að bæta 60 milljónum króna við þróunarverkefni skólamála í haust. Alls er fjármagnið 100 milljónir og samþykkt var að verja 200 milljónum í skólaþróun á næsta ári. Þróunarmálin eru hluti af innleiðingu nýrrar menntastefnu Reykjavíkurborgar sem nær til grunnskóla, leikskóla, frístundar og félagsmiðstöðva. Um er að ræða töluverða aukningu þar sem þróunarsjóður var 19 milljónir í fyrra.
Heilbrigðisráðherra hefur falið Landspítala og öðrum heilbrigðisstofnunum að sinna þjónustu við sængurkonur og börn sem hefur verið í höndum ljósmæðra sem sinna heimaþjónustu. Ljósmæðurnar, sem hafa lagt niður störf, krefjast þess að samningar við Sjúkratryggingar Íslands verði undirritaðir.
Af þeim rúmlega 1.600 börnum sem eru á biðlista eftir leikskólaplássi í Reykjavík munu um 1.450 börn, eða um 90 prósent, komst inn á leikskóla strax í haust þegar elsti árgangurinn á leikskólunum flyst upp í grunnskólann.
Meðalaldur frumbyrja í ríkjum Evrópusambandsins var 29 ár árið 2016 en alls fæddist 5,1 milljón barna í ríkjunum 28, auk Sviss, Liechtenstein, Noregs og Íslands. Hagfræðistofnun Evrópusambandsins, Eurostat, greindi frá þessu í gær.
Vinkonurnar fimm eru í frumkvöðlaáfanga í Verzlunarskólanum þar sem verkefnið er að stofna fyrirtæki og framleiða vöru. Þær ákváðu að búa til hundrað keramikbolla, selja þá á fimm þúsund krónur stykkið og láta ágóðann renna til Krabbameinsfélagsins.
Líklegast er að drengir sem fæddust árið 2016 heiti Alexander ef þeir fæddust á höfuðborgarsvæðinu en Baltasar á Norðurlandi vestra. Þetta er meðal þess sem kemur út í Hagtíðindum Hagstofunnar.
