Unnur Birna á von á barni
„Ég get staðfest það að ég á von á barni með kærasta mínum, Pétri Rúnari,” sagði Unnur Birna við Fréttablaðið. Hún vildi ekki tjá sig frekar.
Samkvæmt upplýsingum Fréttablaðsins er Unnur Birna komin 15 vikur á leið og því er barnið væntanlegt í júnílok. Kærasti Unnar Birnu heitir fullu nafni Pétur Rúnar Heimisson og leggur hann stund á nám í sálfræði við Háskóla Íslands. Þau eru bæði 26 ára.
Unnur Birna er hálfnuð með meistaranám sitt í lögfræði við Háskólann í Reykjavík. Hún hafði ráðgert að útskrifast um næstu jól en það frestast um hálft ár, fram á vor 2012, vegna væntanlegs erfingja.
{loadposition nánar fréttir}
Author: oli
Vefstjóri