Omega 3 gegn krabbameini í börnum

Niðurstöður nýrrar rannsóknar sænskra og bandarískra vísindamanna sýna að omega-3 fitusýran DHA er sérlega nytsöm í baráttu barna sem greinast með krabbamein í taugakerfi. Omega-3 fitusýran DHA ver heilbrigðar taugafrumur og kemur í veg fyrir að þær deyi en getur á sama tíma drepið vissar gerðir af krabbafrumum. Vísindamennirnir komust að því að DHA fitusýrurnar geta látið krabbameinsfrumur í taugakerfi barna eyða sjálfum sér án þess að heilbrigðar frumur skaddist, en flest önnur krabbalyf hafa þær aukaverkanir að heilbrigðar frumur eyðast. Vísindamenn við Karólínsku stofnunina í Stokkhólmi og læknadeild Harvardháskólans segja ljóst að fitusýrurnar geti bæði dugað sem sverð og skjöldur gegn krabbameini og til að verja heilbrigðar frumur gegn öflugum frumulyfjum. Nýlegar rannsóknir í Bandaríkjunum benda til að Omega-3 fitusýrur hafi mjög fjölþættan lækningamátt, þær séu m.a. á við bestu hjartastillandi lyf. Þær hafi góða verkan á geðheilsu og séu fremri bestu lyfjum sem notuð eru á geðhvarfasýki.

{loadposition nánar fréttir}

Author: oli

Vefstjóri