Leiksvæði í Lautasmára endurgert

Endurbótum er lokið á leik- og garðsvæði við Lautasmára og hefur svæðið verið tekið algjörlega í gegn.

Nýtt lysthús, útiæfingartæki, leiktæki fyrir börn á öllum aldri er meðal þess sem er að finna á leiksvæðinu eftir endurgerð.

Þá hefur gróður hefur verið tekinn í gegn, ónýtir runnar fjarlægðir og nýjum plantað. Álmur sem vék fyrir framkvæmdum við Dalveg var fluttur á svæðið, hlaðið ker í kringum hann og bekkur svo hægt sé að nýta svæðið til að hvíla lúin bein.

Leiksvæðið var orðið nær 30 ára gamalt og kominn tími á endurnýjun. Íbúar hafa beðið endurbótanna með óþreyju og því ánægjulegt að þeim sé nú lokið.

Verkið er liður í aðgerðaáætlun um endurnýjun leiksvæða í Kópavogi sem samþykkt var í bæjarstjórn fyrir rúmu ári, samkvæmt Kópavogur.

Author: oli

Vefstjóri