Fyrsta hlaupársdagsbarn ársins kom í heiminn 00:13
Fyrsta hlaupársdagsbarn ársins kom í heiminn á fæðingardeild Landspítalans við Hringbraut í Reykjavík þrettán mínútum eftir að hlaupársdagur gekk í garð á miðnætti.
Samkvæmt upplýsingum frá ljósmóður á vakt var um að ræða dreng.
Um klukkan átta í morgun höfðu fjögur börn komið í heiminn á Landspítalanum það sem af er degi – tveir drengir og tvær stúlkur.
Hlaupár eru ár þar sem degi er bætt við almanaksár til að leiðrétta skekkju í tímatali en nánar má lesa um hvaða reglur gilda um slíkt á vef Almanaks Háskóla Íslands.
Í ársbyrjun 2023 voru samkvæmt Hagstofunni 234 einstaklingar sem eiga afmæli 29. febrúar.
Á meðal frægra manna sem hafa fæðst á þessum merka degi er bandaríski söngvarinn Ja Rule, samkvæmt visir.
Author: oli
Vefstjóri