anabel 270x100 
naglavörur
Vefstjóri

Vefstjóri

0 – 3 mánaða

  • Bregst við hljóðum
  • Þagnar eða brosir þegar þú talar til þess
  • Eykur eða minnkar sog sem viðbragð við hljóði

4 – 6 mánaða

  • Snýr höfði sínu á móti hljóðinu
  • Bregst við hljóðbrigðum í rödd þinni
  • Gefur gaum að leikföngum sem búa til hljóð
  • Gefur gaum að tónlist

7 – 11 mánaða

  • Skilur nei-nei
  • Hefur gaman að leikjum á borð við gjugg-í-borg
  • Snýr höfðinu markvisst í átt að hljóði
  • Hlustar þegar talað er til þess
  • Kannast við algeng orð eins og glas, skór eða mjólk
  • Byrjar að bregðast við þegar sagt er t.d. Komdu hingað eða Viltu meira?

12 - 17 mánaða

  • Skoðar leikfang eða bók í a.m.k. 2 mínútur
  • Fylgir einföldum fyrirmælum sem studd eru látbragði
  • Bregst við einföldum spurningum
  • Bendir á þekkta hluti, myndir og fjölskyldumeðlimi þegar það er spurt

18 - 23 mánaða

  • Bendir á líkamshluta eins og nefið, munninn eða hárið
  • Fer að hlýða á stuttar sögur, vísur og söngva
  • Fylgir einföldum fyrirmælum án bendinga eða látbragðs
  • Skilur einfaldar athafnir eins og að borða, að sofa (lúlla) eða að detta

2 – 2 ½ árs

  • Skilur forsetningar (afstöðuhugtök) á borð við inn íog ofan á
  • Skilur persónufornöfnin þú, mín, hans
  • Skilur lýsingarorðin stór, góður, vondur
  • Framfylgir fyrirmælum eins og Náðu í skóna þína

2 ½ – 3 ára

  • Barnið bregst við ef spurt er um hluti sem það þekkir en sér ekki, t.d. Náðu í boltann þinn og settu hann í kassann
  • Skilur mörg andstæð hugtök eins og heitt og kalt,upp og niður, inn og út
  • Skilur persónufornöfnin ég, þú, hennar o.fl.
  • Kann skil á grunnlitum eins og gulur,  rauður ogblár
  • Þekkir magnhugtökin allir og meira

3 – 4 ára

  • Nýtur þess í síauknum mæli þegar lesið er fyrir það – vill gjarnan heyra oft sömu söguna
  • Hefur gaman af vísum og fáránlegum fullyrðingum, t.d. hesturinn flaug hátt upp í loft
  • Flokkar hluti og hugtök á myndum, t.d. matur, föt, dót, krakkar
  • Þekkir flesta liti

4 – 5 ára

  • Skilur tiltölulega flóknar spurningar
  • Skilur mest af því sem talað er um heima og í leikskólanum

5 – 6 ára

  • Getur fylgt margþættum fyrirmælum og framkvæmt þau. Dæmi: Taktu stóra rauða boltann og settu hann við hliðina á bláa kassanum
  • Skilur og getur útskýrt  atburðarás (fyrst gerðist..., svo..., en síðast....)
  • Skilur og hefur gaman af rími og rímsögum eins ogTóta tætibuska, Handa Gúndavél o.fl.


Heimildir: Heyrnar og talmeinastöð Íslands

Málþroski barnaFyrstu mánuðirnir og árin skipta sköpum í máltöku barna. Þau nema hljóð og orð úr umhverfinu og læra smám saman að greina á milli þeirra. Þess vegna er mikilvægt að þau heyri sem mest af móðurmálinu, jafnvel þótt ekki sé verið að tala beint til þeirra. Þegar foreldrar tala óspart við barn sitt styrkir það málskilning og orðaforða auk þess sem það eflir jákvæð tengsl við barnið.

Ef þú sem foreldri hefur grun um að málþróun barns þíns fylgi ekki dæmigerðum málþroska jafnaldra er oftast full ástæða til að taka mark á þeim grun. Upplýsingarnar sem hér birtast er ætlað að vera foreldrum, starfsfólki leikskóla og örðum þeim sem hafa áhuga á málþroska barna leiðarvísir um hver staða barna í málþroska er á mismunandi aldri. Veljið Þróun máls og tals hjá börnum til að fá upplýsingar um málþróun barna á mismunandi aldursskeiði.

Heimildir: Heyrnar og talmeinastöð Íslands

Rosalega sætt myndbandsflétta með littlum börnum að borða súrt, alveg frábær svipbriggðiBörn að borða súrt í fyrsta sinn

Sjónvarpsgláp tengt offitu barna

Áhættuhópur Ný rannsókn sýnir fram á að sjónvarpsáhorf ungra barna hefur áhrif á þyngd og úthald þeirra til lengri tíma litið.

Börn sem að horfa mikið á sjónvarp á aldrinum tveggja til fjögurra ára verða orðin þyngri en þau ættu að vera þegar þau ná tíu ára aldri.
Börn sem að horfa mikið á sjónvarp á aldrinum tveggja til fjögurra ára verða orðin þyngri en þau ættu að vera þegar þau ná tíu ára aldri. Þetta eru niðurstöður kanadískrar rannsóknar sem greint er frá á fréttavef BBC. Ekki er mælt með því að börn horfi lengur á sjónvarpið en tvo klukkutíma á dag því fyrir hverja umfram klukkustund á viku bætist hálfur millímetri við mittismálið.

Fylgst var með 1.314 börnum á aldrinum tveggja til fjögurra ára. Í upphafi horfðu þau að meðaltali í 8,8 klukkustundir á sjónvarpið á viku. Á næstu tveimur árum jókst meðaltalið um sex klukkustundir og við fjögurra ára aldur var meðaltalið komið í 14,8 klukkustundir á viku. Fimmtán prósent þeirra horfðu á sjónvarpið í átján klukkustundir á viku. Þau börn sem horfðu lengst á sjónvarpið höfðu mesta mittismálið við tíu ára aldur.

Mittismálið var ekki það eina sem var kannað heldur einnig styrkur og virkni barnanna. Börn sem höfðu horft mikið á sjónvarpið komu illa út úr því mati.

Nauðsynlegt þykir að rannsaka enn frekar sambandið milli sjónvarpsáhorfs og offitu barna. Matar- og hreyfivenjur lærast á þessum unga aldri og þess

vegna er sömuleiðis mikilvægt að fylgjast með hvaða upplýsingar börnin fá í gegnum sjónvarpið og tölvuna, samkvæmt vísir.

 

 

Njálgur - Upplýsingar til foreldra

Algengasta smitleið er frá fingrum upp í munn.

 

Einkenni:

  • Kláði við endaþarmsop (mest áberandi þegar barnið er komið undir sæng á kvöldin)
  • Svefntruflanir
  • Erting í leggöngum
  • Lystarleysi
  • Eirðarleysi
  • Njálgur er stundum einkennalaus.

Greining:

  • Felst í því að finna orma og/eða egg við endaþarmsopið. Ormarnir sjást með berum augum eins og litlir hvítir þræðir við svæðið kringum opið og einnig í saur.
  • Best er að skoða endaþarmsopið þegar barnið finnur fyrir einkennum og nota til þess vasaljós. Hægt er að setja límband við endaþarminn og þá festast eggin á og hægt er að staðfesta smit með rannsókn ef þörf er á.

Meðferð:

  • Tvö lyf er hægt að nota við meðhöndlun á njálg, annað er selt í lausasölu en hitt er lyfseðilsskylt.
  • Meðhöndla þarf alla fjölskylduna.
  • Handþvottur mjög mikilvægur, sérstaklega eftir salernisferðir og fyrir mat.
  • Almennt hreinlæti, tíðari þvottur á salerni, krönum, baðkörum, hurðarhúnum og leikföngum.
  • Klippa neglur vel því þá festast eggin síður undir þeim.
  • Þvo föt og rúmföt við minnst 60°hita.
  • Dagleg nærfataskipti.


Hvað er hægt að gera til að forðast njálg?

  • Almennt hreinlæti; handþvottur mjög mikilvægur.
  • Forðast að vera með hendur upp í munni og setja leikföng og annað upp í munninn.
  • Reglulegur þvottur á leikföngum

 

 

Lús - Upplýsingar til foreldra

Allir geta fengið lús og lúsasmit er ekki merki um óþrifnað.

 

Lúsin smitast nær eingöngu við beina snertingu. Það er sáralítil hætta á að smitast af umhverfinu en það er möguleiki að smitast af greiðum/burstum og höfuðfötum. Lús sem dottið hefur úr höfði verður fljótt löskuð og veikburða.

Leitið að lús hjá barni ykkar og öðru heimilisfólki reglulega samkvæmt eftirfarandi leiðbeiningum:

  • Skoðið hárið vel undir sterku ljósi, lúsin kann best við sig í hnakka, á hvirfli og aftan við eyru.
  • Eggin/nitin eru eins og litlir hnúðar á hárinu. Nitin eru oft ljós, dökk eða silfurlit (tóm). Lúsin límir þau föst, þess vegna strjúkast þau ekki auðveldlega af hárinu.
  • Það er tiltölulega auðvelt að sjá fullvaxna lús, hún er 2-3 mm að stærð, oft grá, dökk eða ljósbrún. Hins vegar getur verið mjög erfitt að finna þær lýs sem eru nýkomar úr eggjunum, þær eru pínulitlar og hálfgegnsæjar.

Notið sérstaka lúsakamba sem fást í lyfjaverslunum. Til eru mismunandi tegundir af kömbum, t.d. sérstakir fyrir þykkt og sítt hár.

  • Greiðið í gegnum hárið.
  • Setjið hárnæringu í þurrt hárið (Landlæknir segir blautt hár)og dreifið henni vel um hárið.
  • Byrjið að kemba með kambinum við hársvörðinn og kembið vel út í hárendana, gerið þetta yfir hvítu blaði, spegli eða vaski með vatni.
  • Sé hárið sítt eða þykkt er betra að skipta hárinu upp og kemba hvert svæði fyrir sig.
  • Eftir hverja kembingu í gegnum hárið, er rétt að strjúka af kambinum með eldhúspappír til að tryggja að lús eða nit verði ekki eftir í kambinum.


Ef lús finnst í hári þarfnast það meðhöndlunar með sérstöku lúsameðali sem fæst án lyfseðils í lyfjaverslunum.

  • Tilkynnið lúsasmitið til skólans
  • Leitið að lús hjá öllum í fjölskyldunni, meðhöndlið aðeins þá sem eru með lús.
  • Fylgið leiðbeiningum um meðhöndlun nákvæmlega.
  • Endurtakið alltaf meðferðina með lúsameðalinu eftir 8 daga eða samkvæmt leiðbeiningum.
  • Ráðlagt er að kemba alla í fjölskyldunni daginn eftir meðferð (á 1. degi) til að athuga hvort meðferð hafi tekist. Ef lús finnst þarf að endurtaka meðferð strax.
  • Kemba þarf á fjögurra daga fresti næstu 2 vikur þ.e. á 1. degi, 5. degi, 9. degi og 13. degi.
  • Ekki er nauðsynlegt að þrífa heimili eða fatnað sérstaklega.
  • Ráðlegt er að meðhöndla bursta, greiður, kamba, hárskraut og húfur vegna möguleika á smiti.
  • Hella skal sjóðandi vatni yfir og láta liggja í bleyti í 10-15 mín. eða frysta í 4-6 klst.
  • Ef þið þurfið nánari upplýsingar, vinsamlega hafið samband við skólahjúkrunarfræðing.

 

 

Kláðamaur - Upplýsingar til foreldra

Helstu smitleiðir eru við nána snertingu milli manna

Helstu einkenni:

Kláði, sérstaklega að nóttu til.
Mjóar rauðar rákir á húðinni.
Útbrot og afrifur á húð vegna klórs.
Einkenni geta komið nokkrum vikum eftir fyrstu sýkingu, en eftir endurteknar sýkingar kemur kláði eftir nokkra daga. Kláðinn getur haldið áfram í nokkrar vikur eftir rétta lyfjameðferð.

Greining:

Greining fer fram hjá lækni.

Meðferð:

Hverfur ekki af sjálfu sér og þarfnast því alltaf meðferðar.
Lyfjameðferð í samráði við lækni og fylgja leiðbeiningum vel.
Venjulega er ein lyfjameðferð árangursrík en þó má endurtaka meðferð eftir 7-10 daga ef þörf er á.
Mikilvægt að bera mýkjandi krem á líkamann daginn eftir meðferð og eftir þörfum.
Kláði getur varað í allt að 6 vikur eftir meðferð og því eru oft notuð kláðastillandi lyf samtímis.
Mikilvægt að öll fjölskyldan fái samtímis meðferð þó einkenna sé ekki vart.
Ráðleggingar:

Þvo föt, handklæði, sængurföt, greiður, bursta og annað sem kemst í snertingu við líkamann úr 50° heitu vatni, minnst 15 mínútur.
Þau efni sem ekki má þvo úr svo heitu vatni ætti að setja í lokaðan poka í 2 vikur.
Gott að klippa neglur hjá börnum með smit og ef til vill láta þau sofa með hanska.
Daginn eftir meðferð má barn fara aftur í skólann.
Hvað er hægt að gera til að forðast kláðamaur?

Gott að minna börn á að fá ekki lánuð föt, trefla og þess háttar hjá öðrum.

Fylgjast með einkennum á þeim svæðum sem kláðamaurinn herjar á, það er:

  • Milli fingra, greipar og handarbök
  • Úlnliði og olnboga
  • Undir höndunum
  • Húðin umhverfis naflann
  • Geirvörtur kvenna
  • Kynfæri karla
  • Innanverð læri og mitti

 

 

Fæðingarþjálfarar vinsælir

Þjónusta "fæðingarþjálfara" eða "doula" er tiltölulega ný af nálinni hér á landi. Þjónusta af þessu tagi er þó að sækja í sig veðrið og segir Soffía Bæringsdóttir hóp lærðra doula á Íslandi fara stækkandi.

"Við höfum verið tvær virkar "doulur" hér á landi síðasta ár en í haust sóttu þrettán manns doulu-námskeið hjá Penny Simkin, stofnanda Doulusamtaka Bandaríkjanna.

"Við höfum verið tvær virkar "doulur" hér á landi síðasta ár en í haust sóttu þrettán manns doulu-námskeið hjá Penny Simkin, stofnanda Doulusamtaka Bandaríkjanna. Við erum því stækkandi hópur," útskýrir Soffía Bæringsdóttir doula en hún stóð fyrir því að fá Penny Simkin hingað til lands.

Sjálf hefur Soffía starfað sem doula frá árinu 2008 og segir mikinn kipp hafa komið í eftirspurn eftir þjónustu hennar á síðasta ári. En hvert er hlutverk doulu?

"Doula er stuðningur við konu og fjölskyldu hennar fyrir, í og eftir fæðingu. Brandarinn er að ég sé eins og þjálfari á hliðarlínunni sem öskrar, "áfram, þú getur þetta," sem lýsir ágætlega inntakinu," útskýrir Soffía. Hún ítrekar að stuðningur doulu felist í andlegum stuðningi, hún komi ekki í stað ljósmóður eða læknis.

"Það má segja að doula sé millistigið á milli mömmu viðkomandi og heilbrigðisstarfsmanni, einhver sem styður við tilfinningar og leiðbeinir á jafningjagrundvelli. Doula veitir algjörlega samfellda þjónustu og við reynum að hlúa að því að fæðingarreynsla fjölskyldunnar verði sem best. Við tökum ekki afstöðu til fæðingarinnar sem slíkrar."

Spurð hvernig viðtökur doula fái frá ljósmæðrum og starfsfólki innan heilbrigðissviðs segist Soffía aldrei hafa fengið neikvæð viðbrögð. "Ég hef fengið miklu betri móttökur en ég þorði að vona. Auðvitað hef ég fengið spurningar eins og hvort raunverulega sé þörf fyrir mig en ekki á neikvæðan hátt, frekar af forvitni. Ég fæ líka

oft að heyra frá ljósmæðrum að ég geri starf þeirra auðveldara."

Soffía segir þá sem leita aðstoðar doulu koma úr öllum áttum og ekki einskorðast við konur sem eigi erfiðar fyrri fæðingar að baki, frumbyrjur leiti einnig

eftir aðstoð hennar. Með aukinni eftirspurn stendur nú til að stofna félag kringum doulur á Íslandi þar sem hægt verður að leita upplýsinga. "Það er í burðarliðnum," segir Soffía. Heimasíða Soffíu er www.doula.is. 

Heimildir: vísir

 

Brjóstabörn gráta meira en pelabörn

Brjóstabörn láta meira í sér heyra en pelabörn. Það er þó ekkert til að óttast, heldur eðlilegt og yfirleitt betra til lengri tíma litið. Ástæðan fyrir því að pelabörn gráta minna getur verið sú að þau eru ofalin. Slíkt getur skapað vandamál síðar á ævinni.

B rjóstabörn gráta meira en pelabörn að því er fram kemur í niðurstöðum rannsóknar The Medical Research Council í Bretlandi sem greint var frá fyrir skemmstu.

Brjóstabörn gráta meira en pelabörn að því er fram kemur í niðurstöðum rannsóknar The Medical Research Council

í Bretlandi sem greint var frá fyrir skemmstu. Rannsakendurnir segja grát og óróleika ungabarna náttúrulegan og þó svo að auðveldara geti verið að hugga pelabörn þá sé brjóstamjólkin betri.

"Ef foreldrar og mjólkandi mæður myndu hafa raunhæfari hugmyndir um hvað eðlilegt er þegar kemur að ungbarnagráti væru meiri líkur á að brjóstagjöf yrði haldið áfram," segja rannsakendur. Flestar breskar mæður reyna brjóstagjöf en á nokkrum mánuðum lækkar tíðnin niður í þriðjung. Breska heilbrigðismálastofnunin mælir hins vegar með því að börn fái eingöngu brjóstamjólk til sex mánaða aldurs.

Algengasta ástæðan sem konur gefa fyrir því að gefast upp á brjóstagjöf er sú að hún fullnægi ekki barninu. Þetta segja rannsakendur endurspegla hugmyndir for

eldra um að óróleiki sé merki um hungur. "Börnin geta allt eins verið að tjá þreytu eða annað sem amar að þeim. Ástæðan fyrir því að pelabörn láta síður í sér heyra getur líka verið sú að þau séu hreinlega ofalin og standi á blístri. Um leið skapast hætta á að þau þyngist of hratt og meiri líkur eru á offitu síðar á ævinni." Rannsakendurnir segja niðurstöðurnar ríma við rannsóknir á matarvenjum fólks á öðrum æviskeiðum. "Fólk borðar sér til huggunar en ekki endilega vegna svengdar."

Rannsókn bresku vísindamannanna náði til 300 mæðra og voru þær beðnar um að lýsa skapgerð barna sinna. Þær voru jafnframt beðnar um að greina frá því hvort þau fengju pela eða brjóst. 137 börn voru eingöngu á brjósti, 88 fengu eingöngu pela og 91 fékk bæði pela og brjósta

mjólk. Brjóstabörnin voru sögð erfiðari í skapi og létu meira í sér heyra.

Að sögn rannsakenda finnst breskum mæðrum stressandi að gefa brjóst í samfélagi þar sem pelinn sækir sífellt meira á og þykir jafnvel sjálfsagðari en brjóstagjöf. Þær vilja geta huggað börnin sín jafn fljótt og hinar en til lengri tíma litið sé það ekki endilega betra. Þeir segja að áhugavert væri að bera niðurstöðurnar saman við upplifun mæðra í löndum þar sem brjóstagjöf er normið. "Við verðum vör við það að um leið og mæður og börn ná góðum tökum á brjóstagjöfinni gengur hún glimrandi vel."

Heimildir: vísir.

 

Ragnhildur annaRagnhildur Anna Jónsdóttir venti sínu kvæði í kross, hætti í vinnunni og hóf að hanna ungbarnafatnað úr lífrænni bómull undir merkinu Jónsdóttir & co. Varan er vottuð með Fair Trade-merkinu.

„Ég hef unnið við verslunarstörf nánast frá því ég man eftir mér en ákvað að söðla um og skapa eitthvað sjálf. Fyrsta verkefni mitt er ungbarnasamfellur og smekkir úr lífrænni bómull saumaðir og vottaðir með Fair Trade-merkinu," segir Ragnhildur Anna.

„Mér fannst það mikilvægur punktur þegar ég ákvað að fara af stað með eitthvað sjálf að á endanum nytu allir góðs af," segir hún.

Ragnhildur segir þetta hafa verið ótrúlega lærdómsríkt og skemmtilegt ferli. „Að velta fyrir sér myndefni, litum, texta og síðast en ekki síst umbúðunum. Ég lagði heilmikið upp úr því að finna skemmtilegt efni til að nota í umbúðirnar og nokkrum samfellunum fylgir gjafapoki úr bleiugasi með sömu áletrun og er á samfellunni. Það er Vinnustofan Ás, sem er verndaður vinnustaður, sem saumar pokana og ég er ótrúlega ánægð með það samstarf."

barnaförSamfellurnar og smekkirnir eru ýmist úr bleiktri eða óbleiktri bómull og hægt er að velja um átta mismunandi mótíf. Heimasíðan jonsdóttir.is er í vinnslu en þar verður hægt að gera sérpantanir auk þess að kaupa samfellur og smekki með þeim mótífum sem þegar eru komin í framleiðslu.

„Ég er líka með Facebook-síðuna Jónsdóttir & co og þar getur fólk séð myndir af vörunni og fylgst með nýjungum," segir Ragnhildur. Samfellurnar og smekkirnir fást hjá Epal, Minju við Skólavörðustíg og í Safnabúðinni í Þjóðminjasafninu.

Heimildir: vísir

Page 4 of 8