anabel 270x100 
naglavörur
×

Notice

Not all parameters set in plugin to display discussions
Stytta vinnuvikuna um fimm tíma
Deila

Leikskólar sem reknir eru af Félagsstofnun stúdenta munu stytta vinnuviku starfsmanna sem nemur um fimm klukkustundum, niður í 35 tíma.

 

Þetta kemur fram í tilkynningu þar sem segir að launaskerðing verði engin. Markmiðið með styttingu vinnuvikunnar er sögð vera að stuðla að „auknu jafnvægi á milli atvinnu og einkalífs starfsfólks og þannig efla lífsgæði þess.“ Nýtt fyrirkomulag hefst 1. febrúar næstkomandi og verður endurskoðað 1. ágúst í sumar.

„Reynsla af tilraunaverkefnum um styttingu vinnuvikunnar frá bæði Noregi og Íslandi hefur verið jákvæð. Sú hugmyndafræði að stuðla að betra jafnvægi á milli starfs og fjölskyldulífs hefur skilað sér í meiri starfsánægju fólks, en ekki síst aukinni ánægju í fjölskyldulífi,“ segir í tilkynningunni.

Unnið að fjölgun plássa
Leikskólarnir sem um ræðir eru Mánagarður, Sólgarður og Leikgarður, en þar starfa 55 starfsmenn og er pláss fyrir 183 börn á aldrinum sex mánaða til fimm ára. Vinna við stækkun á leikskólanum Mánagarði stendur nú yfir og að henni lokinni verður hægt að bjóða 128 börnum pláss, í stað 68 í dag.

Haft er eftir Sigríði Stephensen, leikskólafulltrúa og leikskólastjóra á Sólgarði, að stöðugt sé verið að leita leiða til að efla ánægju og kjör starfsfólks. „Þetta verkefni hefur verið lengi í undirbúningi, en okkar von er sú að þetta muni hafa margþættan ávinning fyrir okkur hér á leikskólunum. Fyrir utan meiri lífsgæði, betri kjör og betri líðan starfsfólks vonumst við einnig til að þetta muni skila jákvæðum niðurstöðum hvað varðar minni starfsmannaveltu, en stöðuleiki í starfsmannaveltu skilar sér í betri þjónustu við foreldra og börn. Þetta hefur fengið afar góðar undirtektir hjá okkar starfsfólki og við erum því mjög spennt fyrir þessum breytingum.“

Við styttingu fullrar vinnuviku niður í 35 stundir verður rúllandi vaktafyrirkomulagi komið á sem verður skipulagt fram í tímann. Miðað er við að vinnuskylda muni minnka um eina klukkustund á dag, samkvæmt visir.