Vefurinn er í viðgerð og er ekki alveg full virkur, verið er að vinna í vefnum og uppfæra það sem þarf, 

×

Notice

Not all parameters set in plugin to display discussions
Vara við notkun hreiðra
Deila

Verkefnastjóri slysavarna barna segist ekki geta mælt með notkun svokallaðra hreiðra fyrir ungabörn. Í Danmörku hafa yfirvöld ráðlagt foreldrum frá notkun hreiðranna eftir að þar varð slys á barni.

Í fréttum stöðvar 2 í gær sögðu þau frá því að framundan er gagnger endurskoðun á öryggisstöðlum sem barnarúm eru metin eftir fer nú fram í kjölfar evrópskar könnunar sem sýndi fram á að mörg barnarúm á markaði eru beinlínis stórhættuleg.

En það eru ekki bara rimlarúm sem geta verið hættuleg sofandi börnum, sé rúmið ekki rétt samansett, dýnan of lítil í rúmið eða hún uppfylli ekki öryggiskröfur. Svokölluð hreiður hafa verið mjög vinsæl hjá ungbarnaforeldrum undanfarin misseri.

„Ég get ekki mælt með notkun hreiðra því ég veit að það eru gerðar gígantískar kröfur til allra vara sem ætlaðar eru fyrir þennan aldurshóp og enn eru ekki til neinir öryggisstaðlar sem hægt er að mæla hreiðrin út frá. Við erum að tala um viðkvæmustu einstaklingana, nýfædd börn," segir Herdís Storgaard, verkefnastjóri slysavarna barna hjá Miðstöð slysavarna barna.

Herdís segir hreiðrin hafa verið lengi á markaði en sala þeirra hafi stóraukist í kjölfar rannsóknar sem sýndi fram á að börnum væri hollt að sofa í nálægð við foreldra sína.

„Í kjölfarið fóru framleiðendur af stað og hreiðrin hafa selst vel síðan. Ég hef jafnframt fengið margar fregnir af því að fólk sé að sauma og selja hreiður í heimahúsum," segir Herdís. „Fólk gerir sér kannski ekki grein fyrir að það liggja engir gæðastaðlar á bakvið þessa vöru ennþá. Til þess að ég gæti gefið grænt ljós á notkun hreiðranna þyrfti að liggja fyrir öryggisstaðall svo ég gæti fullvissað mig um að börnum væri óhætt í hreiðrinu."

Full ástæða til að vera við notkun hreiðranna.
Meðal öryggisatriða sem gæti verið ábótavant á hreiðrunum eru bönd sem barnið gæti hengt sig í, efnin gætu innihaldið eiturefni og svampur og önnur fylling gæti verið of þétt, svo fátt eitt sé nefnt. Verið er að vinna að því að þrýsta á Evrópusambandið að koma á öryggisstaðli fyrir þessa vinsælu vöru.

„Og það er full ástæða til að vara við notkun hreiðranna á meðan engin öryggisviðmið eru til staðar," segir Herdís. Í fyrra var barn hætt komið vegna öndunarerfiðleika í einu slíku hreiðri í Danmörku. Þar í landi hafa yfirvöld varað foreldra við notkun hreiðranna.

Í Miðstöð slysavarna barna (msb.is) geta foreldrar, verðandi foreldrar og ömmur og afar sótt námskeið sér að kostnaðarlausu., samkvæmt visir.