Vefurinn er í viðgerð og er ekki alveg full virkur, verið er að vinna í vefnum og uppfæra það sem þarf, 

×

Notice

Not all parameters set in plugin to display discussions
Bjóða frystingu ófrjóvgaðra eggja
Deila

Stefnt er að því að á seinni hluta næsta árs geti konur á Íslandi látið frysta ófrjóvguð egg á nýrri tæknifrjóvgunardeild sænska fyrirtækisins IVF Sverige í Reykjavík.

„Þetta verður til bóta þegar frjósemin er í hættu hjá konum vegna alvarlegra sjúkdóma. Þetta verður jafnframt hagstætt fyrir þær sem vilja frysta egg áður en frjósemin minnkar,“ segir Snorri Einarsson, fæðinga- og kvensjúkdómalæknir, sem verður yfirlæknir nýju deildarinnar sem verður opnuð í febrúar. Hingað til hafa konur þurft að fara utan í þessu skyni.

Fósturvísar verða frystir með nýrri aðferð. „Þegar starfsfólk hefur náð góðum tökum á þessari nýju tækni getum við boðið frystingu ófrjóvgaðra eggja en hún er flóknari en frysting fósturvísa.“

Verð á frystingu ófrjóvgaðra eggja mun kosta í kringum 500 þúsund. „Þetta mun kosta svipað og að fara í glasafrjóvgun og er þetta aðeins ódýrara en víðast hvar á Norðurlöndum. Ef konur vilja fresta barneignum þurfa þær helst að huga að þessu fyrir 35 ára aldur því að þá er frjósemin mest.“, samkvæmt visir.